张国荣脾气好吗 1983.5.9张国荣性格属孤僻

　　幕后台前 阿吉

　　兄弟姊妹可组球队
　　张国荣性格属孤僻

　　张国荣买咗BMW，得闲无事一个人匿埋系架车处听音乐，有时又钻出来洗车，用水龙头冲、冲、冲，好鬼落力。

　　阿吉觉得张国荣成日都好似心事重重，有D忧郁，唔多出声，孤僻。

　　「孤僻？」恬妮一听，不以为然：「成日开笼雀咁，喳喳喳，重话孤僻，头先重问我，去唔去呢度附近超级市场买嘢，话开车同我去。」

　　「你敢唔敢同渠去？」

　　「怕乜噃，佢咁细个。」恬妮系绝不同男人单独相处慨，所以，阿吉有此一问，佢话张国荣细个喎，阿吉话：

　　「唔细啦，渠廿六岁啦。」虽然系咁话，下次见渠，照叫：「小孩子。」渠睇来实在好细个。

　　一次经过，又见张国荣等系度洗车，阿吉叫一声：「车奴！」问：「张国荣，你好似好孤僻噃。」

　　「系呀，细个时冇人同我玩嘛。」

　　「你好多兄弟姊妹，听话几乎可以组织大型足球队。」

　　「系呀！不过，我对上一个大佬都大我九年。」

　　谂起渠日前，为宣传渠地慨「第一次」，讲咗渠当年失身的故事，笑问：「做乜讲呢D嘢俾人知？」

　　「系咯，D朋友闹我，话我唔应该讲。」

　　「对杨群你都算唔话得。」阿吉话：「出卖私生活。」